DMPI Employees Consumers Cooperative

	Coop News
	.
Home

Coop Month Celebration

Isip pagduyog sa Coop Month Celebration sa tibuok nasod niadtong Oktubre hangtod sa Nobiyembre 2005, ang kaluhang kooperatiba sa Del Monte Cannery nga mao ang DMPI Employees Credit ug Consumers Cooperatives miapil sa nagkalainlaing kalihokan nga gipahigayon alang sa maong selebrasyon. Sa mga larawan sa ubos makita ang giapilan nga mga kalihokan ug mga gipanghimo sa kaluhang kooperatiba atol sa selebrasyon.

PASIDUNGOG ALANG SA
CREDIT UG CONSUMERS COOPS

Ang cooperative Department Authority (CDA) mihatag ug pasidungog sa kaluhang kooperatiba sa Bugo Cannary atol sa kasulogan sa Cooperative Month niadtong Oktobre hangtod sa Nobyembre 2005. Ang Regional Most Outstanding Coop awards naangkon sa DMPI Credit ug Consumers Coops gumikan sa mga kalamposan nga ilang nakab-ot sa nilabay nga tuig.


...	Food safety seminar	...
	Ang mga empleyado sa Consumers Coop nga nagdumala sa carenderia o nanagbaligyag pagkaon ug ubang coop staff mitambong sa Food Safety Seminar niadtong Nob. 3 didto sa DMPI Mess Hall. Ang tumong niini nga seminar mao ang pagseguro nga maayo ang pagkahimo sa mga pagkaong gibaligya ug makalipay sa mga customer. Ang mga lecturer niini nga seminar mao sila si Eduardo Salilig, ang mihisgot bahin sa Solid Waste Management, si Belen Basadre, ang nagtuki bahin sa Good Manufacturing Procedure, ug si Santiago Saludes, sa Safety Orientation.

	“Malipayong Pasko, silingan”
	Ang kaluhang kooperatiba miduyog sa Del Monte sa iyang programang “Malipayong Pasko, Silingan” niadtong Disyembre. Uban sa Del Monte, ang mga opisyal, empleyado ug ubang miyembro sa koop nag-apod-apod ug mga gasa ngadto sa iyang mga silingan diha sa Puerto, Bugo, ug Tagoloan nga nagalangkob sa mga produkto sa Del Monte, de lata nga mga pagkaon, noodles, ug daan apan magamit pa nga mga biste, sapatos, ug uban pa.
	Home

Ika-42 ka tuig nga kasumaran sa
Credit Coop gisaulog

Niadtong Nobiyembre 5 gisaulog ang ika-42 ka tuig nga kasumaran sa Del Monte Employees Credit Cooperative. Ang yano apan makahuloganon nga selebrasyon gihimo sulod sa opisina sa cooperative ug gitambongan sa mga opisyal ug mga empleyado sa Coop ug pipila ka mga dinapit. Si Steve R. Bass nga maoy Acting President niadtong panahona maoy mihatag sa welcome address ug si Jose S. Diaz III, Sr. Mgr sa HRD, ang mihatag sa inspiratrional message.

Maswerting papremyo para sa may mataas na grado

Usa kini ka programa sa Credit Coop aron maningkamot ang mga anak sa mga miyembro sa Coop nga anaa sa elementarya ug high school sa pagtuon ug ayo aron makakuhag dakong grado. Sayon ra ang pag-apil niini. Kon ang bata makakuhag grado sa bisan unsa nga subject sa matag grading period ug 85% o kapin, hatagan siya ug usa ka coupon o raffle ticket alang niana nga subject. Kon daghan siyag subject nga dunay 85% o kapin nga grado, daghan usab ang iyang makuhang raffle ticket ug dako ang iyang kahigayonan nga makadaog ug premyo. Ang raffle himoon usa ka bulan human sa grading period. Ang wala modaog nga raffle ticket iapil sa grand raffle nga himoon atol sa distribution of dividends and patronage refund. Ang mga ganti niini nga programa in kind dili cash.